هذا الإعلان كتبناه بتكنيك القصة، وحقق أكثر من 60 مكالمة للإستعلام عن التفاصيل وحجز الكورس في أول يوم من نزوله فقط!!
...............
( قصة الإعلان)
إترمى في السجن لإنه بيحبها ولما رجعتله ندمانه...!!
--------
طلبها في الحلال ومكانش حيلته اللضى. أبوها طرده واتريق عليه ومشي متضايق. اتصلت بيه وقالتله متسيبنيش يا محمد. مسمعهاش.. كان صوت أبوها وهو بيطره مأثر فيه. بعد فترة اقنعته يتقدم تاني راح أبوها طلب منه طلب غريب. قاله لو شاري بنتي امضيلي على وصولات الأمانة دي. محمد مشي وبعد أسبوع كان رده مفاجأة. أنا موافق يا عمي ومش هفرط في بنتك!!
اتجوزها وربنا رزقهم ببنت. بعد فترة مراته مستحملتش العيشة وخُلقها بقى ضيق. بدأت تستقوى عليه وكل يوم تتخانق وتروّح غضبانه. وفي مرة اتخانقت وطلبت الطلاق. أبوها فرح عشان كان رافضه من الأول. رفع عليه قضايا بوصولات الأمانة وحبسه. في المحكمة جاله قدام القفص وقاله كلمة ضايقته -كتمها جواه وسكت-. اتسجن ووافق يطلق عشان يتنازلوا. بنته ماتت يوم الإفراج عنه، قال إن دي علامة من ربنا عشان ميبصش وراه. بدأ يقرب من ربنا ويصلي ويدور على شغل. وفي يوم اتعرف على مدرس انجليزي في المسجد. صعب عليه وخده يشتغل معاه في نوت كورسز أوفيس بوي.
راح واشتغل يعمل شاي وقهوة ويسيأ، وبقى ياخد كورس الإنجليزي بعد ميخلص. كان بيدخل أوضة المدرسين وبيحلم تبقى أوضته. بقى ينضف ويهزر معاهم بالانجليزي. دمه كان خفيف وحبوه. كان يومه كله انجليزي. بعد 6 شهور بقى بيتكلم إنجليزي بطلاقة. اشتغل مدرس ب 5000ج/ شهر. دخل أوضة المدرسين لأول مرة في حياته من غير جردل ومقشة. عينيه دمعت وقال لصاحبه انت ونوت كورسز جميلكم في رقبتي. بقى ليه ڤيديوهات وآلاف المتابعين على فيسبوك.
مراته سمعت بنجاحه راحت قابلته. كان نازل من شغله شافها. سلمت عليه واعتذرتله. قالتله نفسي نرجع لبعض تاني. مسح دموعها وقالها أبوكى وانا في القفص زمان علمني درس. قالي عشان تحرم بعد كدا تشيل شيلة انت مش أدها. دلوقتي أنا سمعت كلامه. نزلت خطيبته، سلمت عليهم وقالتله هاستناك في العربية. قالها لأ تعالي أعرفكم ببعض؛ شاور على خطيبته وقال: أمل خطيبتي، مدرسة إنجليزي. وبص للي كانت مراته وقال: مراتي القديمة، ربة منزل!!!
في نوت كورسز إحنا بنأثر في مشاعرك بقصة زي دى. بنألف القصة من الكلمات الجديدة فالكلمات بتتحفر جوا عقلك من أول مرة، وبتبدأ تتكلم انجليزي بطلاقة في أسرع وقت ممكن.
كلمونا دلوقتي علي الارقام دي عشان تحجزوا محاضرة "مجانا"
وتعرفوا عروض الأسعار وعناوين 10 فروع لينا في مصر..
ليست هناك تعليقات:
Write التعليقات